Atzerriko herrialde batetik datozen pertsonek bisa behar izan dezakete. Baimen hauek herrialde batzuek baino ez dute eskatzen.

Ez dute baldintza hori bete behar Europar Batasuneko herritarrek - Alemania, Austria, Belgika, Txipre, Danimarka, Eslovakia, Eslovenia, Espainia, Estonia, Finlandia, Frantzia, Grezia, Holanda, Hungaria, Irlanda, Italia, Letonia, Lituania, Luxenburgo, Malta, Polonia, Portugal, Txekiar Errepublika, Erresuma Batua, Suedia-, ezta Islandia, Liechtenstein eta Norvegiatik datozenek ere, Europako Esparru Ekonomikoko kideak direna, edota Suitzakoek. Kasu bakoitzaren arabera, pasaportearekin edo nortasun agiriarekin nahikoa izango da. Adingabeek, gainera gurasoen baimena izan beharko dute.

Hiru hilabete baino gutxiago egoteko ere ez dute bisik izan beharko ondorengo herrialdekoek: Andorra, Argentina, Australia, Bolivia, Brasil, Brunei, Bulgaria, Kanada, Txile, Costa Rica, Kroazia, Ecuador, El Salvador, Estatu Batuak, Guatemala, Honduras, Israel, Japonia, Liechtenstein, Malasia, Mexiko, Monako, Nikaragua, Zeelanda Berria, Panama, Paraguay, Koreako errepublika, Errumania, San Marino, Santa Sede, Singapur, Uruguay eta Venezuela; baita Makaoko txinatar Herri Errepublika, eta Hong Kong.

Bisa mota ezberdinak daude helburuaren arabera. Izan daitezke aldi baterakoak, egoteko, bizitzeko, lan egiteko eta bizitzeko, edo ikasteko. Dokumentua Espainiako Kontsuletxe edo Enbaxadetan eskatu behar da pertsona bakoitzaren jatorriko herrialdean, mugan ezohiko eta premiazko kasuetan bakarrik ematen baita bisa.

Izapidearen kostua ezberdina da eskatzen den bisaren, iraupena eta sarreren arabera, edo izapidetu behar den lekuaren arabera.