| Bitartea trenbidea Bilbora heldu zen, eta Hiribildua garrantzitsu bihurtu zen ekonomia- eta finantza-gune bezala. Banco de Bilbao eta Banco de Bizkaia agertu ziren, eta mende amaieran Burtsa.
 Hiriaren eta bere inguruaren aldaketa erabatekoa izan zen. Hedapen ekonomikoa ez ezik hirigintzakoa ere egon zen. Mende honetan Hiribilduaren proiekturik handienei ekin zitzaien, eta eraikin adierazgarri asko eraiki ziren. Bilbo, Abando aldera hazi zen, eta zabaltzeko lehen proiektuari ekin zion. Sortu ziren zumarkaleak, kale zuzenak eta pasealekuak, eta arkitektura berritutik Bilbo modernora pasa zen. Plaza Berria, gaur egungo Udaletxea edo Arriaga Antzokia, Parisko Operan oinarritutakoa, sinbolo berri haietako batzuk baino ez dira.
XX. mendearen hasieran Bilbo Euskal Herriko erreferentzia ekonomikoa, eta Estatuko garrantzitsuenetakoa bihurtu zen. Bere hazkunde izugarria eta kultur garapena Gerra Zibilak (1936-1939) eten zuen, baina gero berriz ekin zion aberastasuna sortzeari. Etorkin ugari etorri ziren Bilbora gorantza zihoan industrian lan egitera. Hiribilduko paisaia hiritarra eta industriala berriz aldatu zen eta azkar zabaldu zen; izan ere, hiritik atera eta ondoko udalerrietatik zabaldu zen Nerbioi itsasadarraren bi aldeetan, gaur egungo Bilbo Handia sortuz..
 Hala ere, goren une ekonomiko izugarriaren ondoren, XX. mendearen hasieran siderurgia krisialdian erori zen, eta hori dela-eta hiriak bere garapen ekonomikoaren oinarriak berriz pentsatu behar izan zituen. Urte gutxitan Hiribilduak eta bere inguruko udalerriek industri birmoldaketari aurre egin behar izan zioten, baita bere ondorio negatiboak gestionatu ere.
 Zenbait urtetan ziurgabetasun ekonomikoa nagusi izan eta gero, Bilbok dinamismoa berreskuratu zuen, eta zerbitzuetako hiria bihurtu zen, ingurumena birsortzen eta hiria hedatzen saiatuz. Antzinako industri lursailak kendu eta gero, Hiribilduak beste aldaketa bat izan zuen, eta gaur egun gero eta erakargarriagoa da bisitarientzat. Guggenheim Museo izugarria, edo Euskalduna Jauregia, Bilboren bokazio berriaren erreferenterik nagusiak bihurtu dira, eta hainbat leku berreskuratzen ari da hiritarren gozamenerako.
|
Bilboren jatorria ezin izan da zehaztasunez mugatu, baina bizi ziren biztanleak jadanik Nerbioi itsasadarraren bi aldeetan Hiribildu bezala osatu baino lehen, garapen maila handiarekin gainera. Diego Lopez de Haro V., Bizkaiko Jauna, izan zen 1300. urtean titulua eman ziona hiriari, merkataritza- eta marinel-gune bezala garrantzi handia baitzuen garai hartan. 
Hiribilduaren kokapen bereziari esker hazten jarraitu zuen. Itsas merkataritza azkartasunez garatzen zen, eta aldi berean, antzinako biztanleria itsasadarraren bi aldeetatik hedatzen zen. Merkataritza trukeei esker ere hiria aberasten zen kultur mailan, eta Santiago Bidea egiten ari ziren eta Bilbora heltzen ziren erromesek horretan ere laguntzen zuten. 
XV. mendearen erdialdean Alde Zaharreko gunea sortu zen, zatirik zaharrena beste lau kaleekin handitu eta gero. Horren ondorioz "Zazpi kaleak" sortu ziren, Bilboko hirigune historikoak gaur egun duen izena, hain zuzen. Alde berean Santiagoko Katedrala eraiki zuten, Apostoluaren omenez egindako antzinako ermita ordezkatuz. Tenplua, gotiko estilokoa, hiriko ospetsuenetakoa da.
XVIII. mendeak bultzada berria eman zion Hiribilduari. Hala ere, ekonomikoki beherantz jarraitu zuen, eta leku berriak bilatu behar zituen biztanleriaren etengabeko hazkundeari aurre egiteko. Baina, XIX. mendean hiria behin betiko aldatu zen. Bilbok garapen izugarria izan zuen hurbil zeuden meatzeen ustiapenari esker. Horrek lagundu zuen itsas merkataritza, eta portuko jarduera sustatzen, siderurgia garrantzitsua indarrarekin sortzen zen bitartean. Gainera ontziak egitea funtsezkoa zen hazkunde ekonomikorako. 
